WEB ta sera kontrato di dos aña ku OGD pa sosten di ICT

IMG-20170808-WA0001 WEB Bonaire a sera un kontrato ku OGD (Operators Group Delft), ku ta sostené kompanianan den maneho di infrastruktura di ICT. Durante dos aña OGD lo atendé ku e maneho spesialístiko di server i ret di WEB.

Kontratamentu di un otro kompania pa hasi maneho sekundario di ICT i ret ta nesesario pa motibu ku ICT mas i mas ta un faktor importante den operashon i produkshon di WEB. Esei ta eksigí un server i ambiente di ret konfiabel i stabil. Na OGD ta traha 1200 profeshonal di ICT i ta vigilá e servernan i retnan di WEB 24 ora pa dia i shete dia pa siman. OGD ta hasi maneho pro-aktivo tambe i tin den kas tur spesialismo di ICT ku ta nesesario den kaso di insidente kompleho.

Despues ku OGD a gana e destaho, su trahadónan a bin Boneiru pa inventarisá i pone e struktura di ICT i ret di WEB den e sistemanan di maneho di OGD. Entretantu a pone e struktura básiko i e tres lunanan binidero lo sigui desaroyá i refiná nan. Den koperashon ku e departamentunan di ICT i di Kompra di WEB a dokumentá palabrashon di trabou i palabrashon di prestashon pa e servisionan di OGD.

IMG-20170808-WA0005OGD lo traha den background i trahadónan di WEB lo ripará masha poko òf nada di esaki. E Servicedesk di WEB ta keda e punto di kontakto i trahadónan di Maneho di Lugá di Trabou / Werkplekbeheer ta sigui bai e ofisina pa atendé ku PC i lèptòp.

Danki na e kontratamentu di e maneho sekundario di ICT i ret ku OGD, WEB por konsentrá su mes mas riba e tareanan núkleo: entrega duradero, konfiabel i pagabel di awa di bebe i elektrisidat na Boneiru.