Update riba e situashon di BOPEC

Bopec2Inspectie Leefomgeving en Transport (ILT) a bai di akuerdo ku e petishon di BOPEC pa duna mas tempu pa demostrá ku nan tin e rekursonan finansiero nesesario pa e plan di rekuperashon. E petishon aki a keda entregá dia 5 di yanüari último. E dokumentu di BOPEC ta un kontesta na ILT riba e intenshon pa imponé un asina yama òrdu bou di koheshon atministrativo (na Hulandes “last onder bestuursdwang” (LOB).

E posibel LOB di ILT tin di aber ku e  echo ku a eksigí  pa BOPEC pa hasi e tankinan i  tuberia bashí, a ménos ku e kompania por demostrá ku e por eliminá e retraso riba mantenshon i ku e violashonnan ta keda korigí.  E dokumentu di BOPEC ta inkluí tambe un planifikashon nobo pa e trabou di reparashon i rapòrtnan di investigashonnan tékniko ku resientemente a keda ehekutá.  Ku tur esaki ILT a risibí sufisiente informashon pa por tuma un desishon riba e posibilidat pa imponé un   LOB. ILT lo tuma e desishon aki despues di 19 di yanüari na momentu ku ta mas kla si BOPEC tin sufisiente finansa na su disposishon.