TUI Fly lo bula mas biaha schiphol pa Boneiru durante winter

TUI Extra FlightTUI fly lo bula mas biaha durante e temporada di winter entre Schiphol i Boneiru. Esaki lo kuminsa prome di novèmber, e kantidat di buelo lo subi i bira 4 biaha pa siman. E isla tropikal segun kompania TUI Nederland ta hopi popular entre turistanan hulandes.

Ta resulta ku entre e numbernan di reservashon di TUI, tin un kresemientu di 15% pa paketenan pa Boneiru kompara ku aña pasa. Debi na su popularidat, oferta di hotel lo wòrdu ekspande i lo bin un èkstra buelo pa siman. E skema di buelo kuminsando novèmber lo ta buelonan for di Schiphol pa Boneiru riba djamars, djarason, djabierne i djasabra. Un Boeing 787-8 Dreamliner lo realisa e buelonan den kombinashon ku Aruba òf Korsou.