Trabounan ta sigui den bario di Rincon desaroyando e proyekto‘Fibert to the Home’…

unnamedTELBO bo kompania di telekomunikashon lokal ta informá ku djaluna 15 di yanüari 2018 ta sigui ku e desaroyó di trabounan den Rincon. TELBO ta den e proseso pa implementá su ret di ‘Fiber to the Home’ (FttH) / ‘Fiber te na Kas’ ku lo konektá tur kas i negoshi na Boneiru ku kabel di fiber. E ret di fiber lo remplasá nos ret di koper aktual ku su tempu a pasa. E konekshon di fiber ta unu konfiabel i duradero, i no tin ningun limitashon riba velosidat di dato di internet i otro servisionan.

Trabounan ta konsisti di kobamentu den e siguiente kaya nan: Kaya Agrado, Kaya Poderoso, Kaya Generoso, Kaya Amistat, Kaya Gratitut, Kaya Lourdes, Sofaya den e aria suit di Rincon.

“Fiber to the Home” ta un di e proyektonan kaminda TELBO ta trahando inkansabelmente pa konektá tur kas i negoshi riba e ret di Fiber. Ofresiendo e klientenan un mihó siñal ku ménos chèns pa interupshon i un velosidat di internet muchu mas rápido.

TELBO ta pidi su diskulpa pa kualkier inkonbeniensia ku presenta i ta yama danki na tur su fiel klientenan pa e konfiansa i sosten na e kompania durante años. TELBO su propósito ta, pa ofresé e mihó servisio i produktonan ku e teknologia di mas avansá. Pa mas informashon bishita TELBO su wepsait www.telbo.net i ‘Like’ e página riba Facebook: TELBONV.