TCB ta presenta un ekshibishon nobo di artenan di artista sr. Nochi Coffie

Norwin Coffie. Norwin CoffieE area di resepshon di Tourism Corporation Bonaire ta komberti un bes mas den un ekshibishon di arte, esaki ta e di nuebe artista ku ta ekshibi su arte. E galeria ta vitrina pa artistanan lokal ku ta deseá na eksponé nan talento. Semper ta haña hopi reakshon positivo di tantu turista komo hende lokal ku bishitá TCB. Despues di e ekshibishon di e pintor di “Portraits of Bonaire”, Sr. Henk Roozendaal komo e promé artista, siguí pa Sra. Monica Liliana Trujillo, Sr. Adi Figaroa, Sra. Riet Sealy i Sra. Agnes Joosten, Sr. Fransico Uty Melaan, Sra. Mamita Fox, Srta. Virgy Balentin, Sra. Rosalba Figaroa y  awor nos ta yama bon bini na Sr. Juan Guillermo Norwin Coffie miho konosi komo nòmber artisko Nochi Coffie.

Sr. Nochi Coffie ta di e bario di Rincon. E ekspreshon di su artenan ta duna atenshon na un arte kombina di nos kultura, historia i naturalesa di Boneiru. Na e lansamentu ku tabata bon bishita Nochi a duna tur su invitadonan un agenda ku su pinturanan aden. E idea ta pa den futuro pone agendanan na benta.

Tourism Corporation Bonaire ta ekstendé un invitashon pa bin bishitá e sala di galeria di arte situá na Kaya Grandi # 2 pa atmirá e galeria di Sr. Coffie i alabes por kumpra e artenan.