Selekshon di futbòl di FFB a sali pa Montserrat

Selekshon Futbol Bonaire 2014 - kamiseta blanku (1)Despues di preparashonnan intensivo último simannan, awe djabièrnè 30 di mei, e selekshon di futbòl di Boneiru a sali pa e isla Monsterrat, pa dos kompromiso pa loke ta pre – klasifikashon pa Carribean Cup 2014, organisá pa Carribean Football Union ‘CFU’.

E bosero ofisial di FFB, Djoni Leoneta pa medio di un komunikado ta informá, ku Boneiru pa medio di Federashon Futbòl Boneriano (FFB), na aña 2012 a bira miembro di CFU i esaki ta bira e promé partisipashon di nos isla na un kompetensia di e federashon di futbòl di Caribe. Boneiru huntu ku US Virgen Island i e anfitrion Montserrat ta forma parti di Grupo 1, den e pre – klasifikashon ku ta tuma lugá di 30 di mei pa 3 di yüni. E selekshon ku terminá na promé puesto den e grupo aki, ta djòin Martinique, Barbados i Sürnam den Grupo 3, pa hunga e promé buèlta di Carribean Cup 2014, ku ta tuma lugá na Martinique di 2 pa 8 di sèptèmber.  Riba e webside di CFU www.cfufootball.org por risibí mas informashon tokante Carribean Cup 2014.

Pa loke ta trata e weganan aya na Monsterrat, tur ta inisiá pa 7’or anochi i konforme e siguiente skema;

Djabièrnè 30 mei – Monsterrat V.S. Virgen Island
Djadumingu 1 yüni – Boneiru V.S. Virgen Island
Djamars 3 yüni – Monsterrat V.S. Boneiru

Djaweps atardi momentu ku tabatin e último training promé ku e delegashon sali di biahe, a tuma lugá boutismo di e dos unifòrmnan nobo di e selekshon Boneriano, kual akto tabata na enkargo di tesorero di FFB Gami Oleano, den presensia di presidente Luti Balentin.

Selekshon di Boneiru ta konsistí di siguiente hungadónan:

  1. Rishison Frans (Real Rincon)         – Kiper 
  2. Jordrick Arrindel (Juventus)         – Kiper 
  3. Relove Janga (Juventus)                – Defensor
  4. Igmar Gijbertha (Real Rincon)       – Defensor 
  5. Jozef Beaumont (Real Rincon)        – Defensor 
  6. Edelbert Winklaar (Real Rincon)    – Defensor
  7. Pedro Rodriguez (Uruguay)           – Defensor
  8. Rachid Trenidad (Vespo)                – Defensor
  9. Alexander Sijtsma (Juventus)        – Medio Kampista
  10. Giovanie Makaai (Juventus)          – Medio Kampista
  11. Giandro Steba (Juventus)              – Medio Kampista
  12. Naygel Coffie  (Juventus)               – Medio Kampista
  13. Lacey Pauletta (Real Rincon)         – Medio Kampista
  14. Raymiro Coffie (Real Rincon)         – Medio Kampista
  15. Terrence Frans (Real Rincon)        – Medio Kampista 
  16. Ifred Piar (Real Rincon)                 – Delantero
  17. Jurick Seinpaal (Uruguay)            – Delantero
  18. Justin Michel (Uruguay)               – Delantero

Kuerpo tékniko:

Direktor tékniko;  Ferdinand Bernabela
Asistentenan; Celsio Mook, Alsi Anthony, Arviena Vis
Masahista; Danielo Quirindoongo

Hefe di delegashon: Ludwig Balentin