Sambuyamentu di aña nobo ku STINAPA!

NYD-2018-FINALDjasabra 13 di yanuari STINAPA ta organisá e promé sambuyamentu pa aña nobo na Coco’s/ Sunset Beach di 10or am pa 12or di mèrdia. Lo tin e oportunidat pa hende lokal kumpra e “dive tag” di 2018 tambe.

E dive tag di 2017 ta valido te 15 di yanuari 2018. Pa e motibu ei dia 13 di yanuari STINAPA ta organisá un sambuyamentu di aña nobo na Sunset/ Coco’s Beach, entrada banda di Den Laman. Aki lo bende e “dive tag” di 2018, spesialmente organisá pa habitantenan di nos isla. STINAPA lo t’einan for di 10:00or am te 12:00or di mèrdia pa hasi e “dive orientation” i e “check-out dive”.

Bin prepará ku bo $25 (porfabor sèn nèt), bo ekipo di buseo, bo sertifikado di buseo i tambe bo sedula. Mientras bo ta hasiendo bo check-out dive, podisé bo por saka algu di sushi for di den laman mes ora! Lo bai tin saku di nèt desponibel.