Prokids ta presentá su di 13 edishon

Poster PROKIDS 2017E komité organisadó di Prokids huntu ku Stichting Aquaspeed Bonaire Windsurfers ta presentá su di 13 edishon ku un evento sumamente grandi. E aña aki un bes mas e evento ta karga e nòmber; 13th Prokids Bonaire Mega Sports Event. Esaki ta na su lugá mirando tur e deporte nan ku a bini huntu pa hasi e evento aki esun di mas grandi di nos isla. Ban uni pa respaldá e organisadónan, mustrando boso apoyo i balor pa e por sigui krese muchu mas grandi. Asina e por brinda nos deportista nan, hóben nan i tambe e pueblo di Boneiru un evento magistral.

E programa ta lo siguiente:
Djaweps 10 di ougùstùs       Bolas Criollas
Djabièrnè 11 di ougùstùs     Registrashon Windurfing Freestyle & Slalom
                                             Bolas Criollas i Dominó

                                                Apertura 6’or di atardi

Djasabra 12 di ougùstùs         Windsurfing Freestyle & Slalom, Bolas Criollas i Dominó
Djadumingu 13 di ougùstùs    Fun Walk, Windsurfing Freestyle & Slalom, Bolas Criollas,
                                                Dominó, Beach Football i Meet me at the Beach.

                                                Entrega di Premio i Klousura 5’or di atardi

Den fin di siman kuminsando desde djabierne ta bai tin hopi entretenimento manera; DJ Indjo Ras, Kanto Krioyo, Eso Band i Add 9. Huntu ku nos ‘role models’ nan pa e aña aki Arnold i Raynold Wilsoe i tambe nos baluarte nan Erwin Muller; e promé windsurfista Boneriano. Constantino “Patun” Saragoza; e promé windsurfista Boneriano ku a kompetí den weganan olímpiko i Elvis “Piskechi” Martinus e fundador di Stichting Aquaspeed Bonaire Windsurfers i inisio di e promé kompetensianan di windsurf na Boneiru. Huntu ku e spònser nan ta invitá e pueblo di Boneiru pa yega na Sorobon. Ban Sorobon pa pasa un dia di famia kanto di lama i sera e anochi ku hopi deporte i entretenimento. Manera tur aña e bar i kushina semper ta bon surti. Danki na nos spònser nan: Gobièrnu di Boneiru, FWNB, TELBO, MCB Bonaire, Starboard, Budget Car Rental, Bonaire Windsurf Place, Krioyo Paint, Obersi Group, WEB Bonaire, STINAPA, Budget Marine, Selibon, Don Andres, Captain Dons Habitat, Cactus Accouting, Caribbean Laundry, Gio’s Gellatery, Hitess Bonaire.

Pa tickets na balor di $10 pa e Prokids Fun Walk por tuma kontakto ku 780-0015 òf pasa serka e miembro nan di Prokids i Aquaspeed. Un danki na e spònser SUBWAY, Neutrogena i Le Bleu by Manrique Capriles Bonaire.