Presentashon STINAPA riba gutu i tribon

PowerPoint-presentatieDjamars anochi 12 didesèmber ,di 7or pa 8or, STINAPA lo tene dos presentashon na Dutch Caribbean Nature Alliance (DCNA) na Kaya Finlandia 10A ( skùin dilanti di Cityshop).

Hannah Rempel èks asistente biólogo di STINAPA (studiante PhD na California Polytechnic State University) lo presentá su último resultadonan di investigashon riba  gutu su komportashon di alimentashon.

Mavelly Velandia, antes un Junior Ranger di STINAPA i awó un stagèr di HAS Hogeschool na Den Bosch-Hulanda, lo presentá su resultado di investigashon di e proyekto di Salba nos Tribon: Investigashon riba espesienan di tribon ku por tin riba refnan di koral di Boneiru ku video kámera di bou di awa ku as na dje pa atraé tribon (Baited Remote Underwater Video ,BRUV).

Kada presentashon lo tuma 20 minüt. Tur hende ta bon bini djamars anochi 12 di desèmber di 7or pa 8or na DCNA.