Presentashon di proyekto hotèl pa studiante na Boneiru

1 (21)Resientemente diputadonan James Kroon, Hubert Martis i Edsel Cecilia a presensiá un presentashon di un proyekto titulá ‘THE STUDENT HOTEL BONAIRE’. Bores Schrama i Joris Dijkstra kendenan a hasi un investigashon a realisá ku Boneiru tin e nesesidat pa bini ku un Hotèl pa Studiante.

Resultado di e investigashon tabata ku tin hopi studiante ku tin problema pa yega na un kas òf apartamentu pagabel, spesialmente pa esnan ku ta bin pa un periodo kòrtiku. E Hotèl pa Studiante Boneiru lo bin ku preis pagabel, seguridat i espasio pa hóbennan empresario. Tur e kambernan ta studionan mueblá i lo hür esakinan pa diesdos luna pa asina por tin kamber aksesibel pa studiantenan ku mester di esaki.