Por entregá petishon pa dispensashon di invershon pa vastgoedbelasting 2016 te ku 31 di desèmber 2017

RCNEmpresario- i personanan partikular ku ta paga vastgoedbelasting por bin na remarke pa un dispensashon di invershonEsaki ta nifiká ku si un kompania òf persona partikular invertí den su bien inmóbil i komo konsekuensia di esei e balor subi, tin un posibilidat pa eksonerá e subida di balor akí pa vastgoedbelasting.

Pa invershonnan ku a hasi den 2014 i añanan siguiente e dispensashon di invershon akí tin un plaso di 10 aña. Riba petishon e inspektor por konsedé e dispensashon akí.

Empresario- i personanan partikular ku kier hasi uso di e dispensashon akí mester pidi esaki ku un formulario, kaminda athunto ta añadí e pruebanan. Ta haña e formulario akí ku splikashon riba www.belastingdienst-cn.nl.

Denter di dos luna despues di entrega di e formulario, e entregadó ta risibí un desishon di e inspektor den kua e montante di dispensashon ta menshoná. E petishon mester ta entregá promé ku final di e aña ku ta sigui e aña den kua e subimentu di balor a tuma lugá. Pa subidanan di balor komo konsekuensia di invershonnan den aña 2016 e petishon mester ser entregá pa mas tardá riba 31 di desèmber 2017 na Belastingdienst.

Pa pregunta por tuma kontakto ku Belastingdienst via number di telefòn 715 – 8585 òf  konsultá e wèpsait  www.belastingdienst-cn.nl