Persepshon di hende riba di yerba di laman invasivo i Sargassum

sargassumDjamars 16 di januari den sala di reunion di Dutch Caribbean Nature Alliance (DCNA) di 7or pa 8or PM,  STINAPA tin un presentashon riba e persepshon di hende riba yerba di laman kompará ku e Sargassum.

E oradónan lo papia riba dikon tin e tendesia di kategorisá algun espesie  komo mas menasante ku otro. Nan lo kompará e yerba di laman H. stipulacea di Oséano Indiko ku e espesie Sargassum sp.

Oradónan pa e anochi di informashon aki ta  Rapti Siriwardane-de Zoysa i Lucy Gwen Gillis di Leibniz Center for Tropical Marine Reserach na Bremen, Alemania. Un i tur ta kordialmente invitá di bin skucha e oradónan dia 16 di januari na DCNA di 7or pa 8or djanochi na Kaya Finlandia 10. Entrada ta gratis.