Partnernan ta deklará pa traha huntu pa logra un “imágen di seguridat 2017”

IMG_3447Ministerio Públiko (OM), Koninklijke Marechaussee (KMar), Korps Politie Caribisch Nederland (KPCN) i Entidat Públiko Boneiru (Openbaar Lichaam Bonaire, OLB) a firma djárason 16 di ougùstùs 2017 na Kralendijk (Boneiru) un akuerdo den kual nan ta uni nan mes pa traha un asina yama “imágen di seguridat BES 2017”, esta un Veiligheidsbeeld BES 2017. E partidonan menshoná ta forma huntu un asina yamá stuurgroep ku ta bai kompañá e proseso aki.

E “imágen di seguridat BES 2017” ta un enkargo duná dor di Prokuradó-general di Kòrsou, Sint Maarten, Boneiru, Sint Eustatius i Saba. E tin ku bira un rapòrt den kual ta deskribí e menasanan, i den partikular kua e menasanan kriminal ku por ta un menasa pa e islanan. Koninklijke Marechaussee a risibí e enkargo pa traha e rapòrt. Nan ta haña sosten di investigadornan di OLB i di sektor di sensia. E investigashon ta bai kubri tur tres isla BES.

E “imágen di seguridat BES 2017” tin ku bai duna un bista di e grado i seriedat, i den kual tin ku bai fiha atenshon special riba e sirkunstansia ku ta kondusí na kriminalidat. E investigadornan ta bai en buska di e kousanan fundamental, por ehèmpel di gobièrnu òf regulashon eksistente ku ta kondusí na abusu. Ademas ta investigá kon e sektornan den kual kriminalidat ta tuma lugá ta funshoná i ta investigá si tin faktor ku ta stimulá kriminalidat. Ku esaki e imágen di seguridat BES 2017 ta bira un rapòrt ku por usa ku diferente gobièrnu pero tambe ku sektor priva pa traha plan pa minimalisá e vulnerabilidat di e komunidat riba e tres islanan. E proyekto aki ta pas kompleto den e plannan pa futuro ku Ministerio Públiko ta persiguí.

E imágen di seguridat a keda prepará anteriormente dor di partnernan den e kadena hudisial. E hecho ku Entidat Públiko i otro instansianan ta forma parti aktivo awor den e investigashon ta bai haña su impakto den realisashon di e dokumento i implementashon di e resultadonan.

Foto: E akuerdo a keda firma djárason dor di PG Guus Schram, hefe interino di Koninklijke Marechuassee den e region aki, sr. Joep Henst, Gezaghebber di Boneiru Edison Rijna i hefe di kuerpo di polis KPCN Jose Rosales.