Parlamentario dra. Bernabela ta boga na miembronan di Konseho Insular pa kuminsá na kambia e komportashon negativo

Esther BernabelaSegun un komunikado emití pa parlamentario dra. Esther Bernabela, e petishon  pa atenshon di kuestionan di integridat a wordu hasi muchu mas antes ku esun di MPB. Pues esaki a wordu menshoná den moshon ku fecha dia 17 di yuli 2017 i firmá dor di frakshon Bernabela i Marugia Janga, kaminda no solamente a pidi gezaghebber pa atendé e asuntu di un ex-diputado pero alabes a pidi i ripití ku kuestion di integridat mester wordu salvaguardia mediante netamente tarea di Gezaghebber. Den e moshon aki te na e momentonan aki loke tabata integridat no tabata interesante pa trese esaki na pueblo? Asina dra. Bernabela ta puntra.

“Koalishon no ta kontra pa hasi un analisis di riesgo pa integridat, sino mas bien un analisis holistiko ku lo mester enserá e kodigo di kondukta, e obligashon moral komo representante di pueblo, e posibilidat pa por hasi ‘screening’ riba uso i abuso di substanshanan ku porsierto dra. Bernabela a hasi pregunta direkto na gezaghebber den reunion di Konseho Insular.  Si e moshon ta solamente basá pa mira e riesgo di ku un persona ku por hasi daño na e aparato gubarnamental i no ta enserá e otro partinan lo enserá tambe ku kualkier persona por hasi presensia na su trabou bou di influensia di substansha sin ku lo no por tuma akshon enkontra.

Analisis pa riesgo di integridat mester ta un rekisito, pero esaki mester wordu akompañá pa mas eksigensianan i reglanan, kodigo di kondukta i ku posibilidat di ‘pre-screening’ i ‘post screening’. Aplikashon pa kualkier trabou na un empresa ta eksigí esaki i pakiko lo e no por ta bálido pa diputadonan ku ta representá e pueblo i ta e kara di pueblo pa eksterior?” Dra. Bernabela ta sigui puntra.

“Mi ta spera ku awor lo kuminsá traha riba legalisa;
1) ‘Screening’ promé i durante periodo riba uso di substansha i kiko e konsekuensia ta enserá;
2) Amplia kodigo di kondukta;
3) Organisá den gobiernu kon implementá analisis di riesgo segun modelonan eksistente.

Solamente di e forma ei lo por kuminsá kambia e profil di un diputado den su totalidat. Pero nos no tin mester di warda riba esaki, sino mas bien kada un di nos, komo miembronan di Konseho Insular kuminsá na kambia nos komportashon negativo den sistema di komunikashon i stòp ku defamashon i mentiranan pa razonan politiko i ku no a sirbi e pueblo.”