Notisianan di polis di djárason 9 di ougùstùs te ku djabièrnè 11 di ougùstùs 2017

POLISRiba djárason  9 di ougùstùs alrededor di 4.30 or di atardi a drenta keho di kiebro den un kas situá na bulevar EEG. For di aki a bai ku dos èrko. E malechornan a destruí e porta pa asina por a drenta den e kas.

Riba djaweps 10 di ougùstùs alrededor di 9 or di anochi a drenta keho di kiebro den akomodashon turístiko situá na Bulevar E.E.G. For di aki a bai ku entre otro un pòtmòni di kueru maron, ku komo kontenido un ID, reibeweis i diferente karchi di banko.

Riba djaweps 10 di ougùstùs alrededor di 5 or di atardi a drenta keho di atrako riba kaya na altura di Kaya Libertador Simon Bolivar. Un sospechoso riba skuter a bai ku tas di un dama.

Riba djaweps 10 di ougùstùs a drenta keho di kiebro den un kas situá na Kaya Linda. Deskonosínan a pusha e parti vertikal di un bentana di skùif i drenta den e kas. For di aki a bai ku entre otro sèn kèsh. E kiebro a tuma lugá entre 8or di mainta i 3.30 or di atardi.

E kasonan ta bou di investigashon.