Notisianan di polis di djaluna 7 di ougùstùs te ku djárason 9 di ougùstùs 2017

PolisDjaluna 7 di ougùstùs entre 6:00 i 7:30 a hòrta un plachi number MF-2021 di un bròmer, na haltura di un negoshi situá na Bulevar Gobernador Nicolaas Debrot. E kaso aki ta bou di investigashon di polis.

Djaluna 7 ougùstùs na altura di Bachelors Beach un ladronisia a tuma lugá, kaminda a kibra drenta den un outo via di e bentana drechi patras, i a bai ku entre otro un tas di paña, u iPhone SE, un tablet (kindle) i diferente karchi di banko. E kaso aki ta bou di investigashon di polis.

Djamars 8 di ougùstùs entre 11:45 i 12:00 un ladronisia a tuma lugá na haltura di Te Amo beach, akinan a hòrta 3 tas i tambe diferente artíkulo, for di un outu, bou di kua entre otro un Samsung Galaxy 4, un iPhone 5s, un oloshi di dama kolo plata, un renchi di kasamentu kolo oro blanku, i sèn kèsh. E kaso aki ta bou di investigashon di polis.  

Djárason 9 di ougùstùs na haltura di Kaya Katwijk a bai ku un outo di marka Hyundai, numerá B-10251. E kaso aki ta bou di investigashon di polis.

Tep di Polis: no laga artíkulonan di balor sin supervishon na laman ni den outo

Djamars 8 di ougùstùs entre 9.30 or di mainta i 2 or di atardi, a kibra drenta den un kas situá na Kaminda Lagun. A  bai ku entre otro dos televishon pretu di marka Panasonic. Probablemente e sospechoso a drenta e kas via e bentana den kushina. E kaso aki ta bou di investigashon di polis.

Polis ta pidi asistensia di pueblo den e kaso di ladronisia den kas aki. Si bo a mira algu por fabor tuma kontakto ku polis via e liña di tep (+599) 717 7251.

Djamars 8 di ougùstùs polis a tene kòntròl di tráfiko na haltura di Bulevar Gobernador Nicolaas Debrot. Aki a parti diferente but pa entre otro no ta den poseshon di un reibeweis bálido i pa no tin  di papel di seguro bálido.