Notisianan di polis

PolisAlrededor di 10.35 or di mainta a drenta notifikashon di un aksidente entre un outo i un skùter riba Kaminda Sorobon. E outomobilista a bai pasa e skùter i akinan e skùter a dal den e outo, pèrdè kontròl i bòltu. E shofùr di e skùter a bai for di dje pa un ratu. A transportá e shofùr pa hospital pa asina e por risibí kuido médiko.

Alrededor di 6.00 or di atardi a drenta keho di ladronisia di un Yamaha 125CC kolo plata ku plachi number MF-949. E Yamaha tabata poné dilanti di porta di garashi di un wikènthùis na Bulevar Gobernador Nicolaas Debrot. E ladronisia a tuma lugá entre 6.00 .00 or di atardi i 10or di anochi.

Riba djamars 6 di febrüari un kiebro a tuma lugá den e Bario Silesí. Aki malechornan a kibra e forsa e porta di e kas pa asina por a drenta. No sa ainda kiko tur a bai ku n’e.

Entre 1.30 or i 4.45 or di atardi a bai ku un telefon i un pòtmòni for di un laman na Slagbaai. E doño a bai laga su pañanan ku un telefòn i pòtmòni na e playa, ora ku e la regresá su pañanan tabata tei pero su sobra pertinensianan no.

Riba djárason 7 di febrüari 2018 alrededor di 2.30 di mardugá a but un outomobilista riba kaya grandi pa motibu ku e no por a mustra reibeweis ni seguro válido i e outo no tabata tin plachi di number.

Den oranan di mainta trempan e tim di reshèrshi a hasi detenshon di e sospechoso C.S den bario den Tera. E hòmber C.S ta sospechoso den un kaso di ladronisia ku violensia ku a tuma lugá dia 28 di yanüari. E sospechoso a logra hui dia 2 di febrüari 2018.