Mr. Anthony Nicolaas a risibi aplouso di publiko den sala di korte

ANthony NSi nos por rekorda nos mes bon durante mas di 30 aña kubriendo kasonan di korte, nunca nos a eksperensia ku un publiko den sala di korte ta aploudi un abogado despues di su defensa. Esaki tabata e kaso awe tardi, despues ku abogado mr. Anthony Nicolaas a kaba di hiba un defensa pa su kuater klientenan ku ta wordu akusa di dos delito grave, di kual e prome ta atrako riba un skuter di un persona bou di menasa i segundo di tabata den posishon di armanan di kandela. Fiskal a pidi un kastigu di 4 aña pa tres di e sospechosonan i pa unu 5 aña di prison.

Mr. Nicolaas a kuminsa na mustrra korte, ku e denunsianbte ku a hasi e denunsia no ta un persona konfiabel. Ta trata di un persona ku tambe tin su historia. Pues no por konfia su deklarashon. Tambe el a mustra ku e denunsiante konose arma di kandela hopi bon pa deskribi na polis, ki tipo di arma di kandela kada ken tabatin den nan poder.

Mas aun mr. Nicolaas ta puntra, kon un hende ku bou di menasa a keda para i menasa, por keda laga bai sin ku nan a tir’é. Por ta trata aki di armanan di kandela fiktisio? Asina e abogado a puntra. Sigur e no ta i no por kompronde kon Ministerio Publiuko por a yega na e kastigunan ku e fiskal a pidi pa e sospechosonan. Un di su klientenan no tabata ni na e sitio ei i pa kolmo ku un karchi di kastigu blanku i fiskal ta pidi 5 aña pe. El a bisa hues ku pa yega na un kastigu poa su klientenan, mester ta un kastigu mester ta un kastigu hustu. E ta haña e kaso i e kastigunan pidi, un ‘tutu’ kompletu.

Mr. Anthony Nicolaas a kuminsa na pidi libertat pa e akusado Christina pasobra e no tabata na e sitio mes. E ta kere ku polisnan a konfgundi den e di kuater persona, ku ta un tal Luho, ku no a keda trese dilanti korte. El a sustansia ousensia di su kliente, ku dos deklarashon di e otro sospechosonan i tambe di testigu i tambe di doño di trabou di e kliente Christina ku ta bisa ku el a bai buska Christina na kas pa bai traha prome ku e ora denunsia di e problema.

Asina Nicolaas a pasa riba kada un di su klientenan i pa tur el a pidi hues pa duna nan nan libertat Esta pa Serberie i Cecilia i tambe pa Soliana ku tambe tin su karchi kastigu sin mancha i pa kolmo ta perhudikando su estudio ya pa 9 luna. E abogado a rekorda hues ku el a pidi suspenshon di su klientenan na mas ku un okashon.

Tambe mr. Nicolaas a pidi hues pa tene kuenta ku nan sirkumstansianan personal, meskos ku nan karchi di kastigu i e ta pidi hues pa duna nan un oportuinidat si es ku tog hues no mira nan manera el a purba ilustra e kaso. Aki e publiko ku tabata presente, un sala basta yen di mirones i sigur familiaresnan di e akusadonan a kuminsa aploudi agogado Anthony Nicolaas ku sin duda a hiba un bon defensa, hopi determina i sigur di su mes. E hues a bisa ku e no por hasi otro di tuma 3 siman pa bai evalua tantu e akusashonnan, loke e fiskal a trese i tambe e defensa di mr. Nicolaas, prome ku e tuma un desishon. E desishon final e lo dun’é dia 26 di oktober pa mitar di 9’or di mainta. E hues a pidi e akusadonan pa wanta un tiki pasenshi te aki 3 siman.