Ministerio Publiko a reparti 15 aña den kuater Venezolano ku a yega Boneiru ku droga

hustisia2Ministerio Publiko a kuminsa tratamentu di un kaso denomina komo HULK k uta ensera kuater hombre Venezolano ku a yega Boneiru den luna di februari 2017, probablemente den posishon di droga i un arma di kandela. E kaso ta poko straño, pero hues ta purba di analisa i wak Kiko por pone serka otro pa por duna su veredikto den esaki.

Ta asina ku e hombernan ta responde bou dje nombernan Estredo Ochoa, Gim enes Garces, Arias Rodriques i Guerrero Deroy. Tabata den e anochi di 1 pa 2 di februari ultimo, ku riba un tipo di Wardakosta, un equipo di Marrechaussee a bai den área di Pelike ya ku e radar den e area ei a tuma nota di un ‘Go Fast’ den direkshon di Boneiru. Pa alrededor di 5’or di marduga e outoridatynan a bin enkontra den awa na kosta, dos hombre Venezolano di dek. No muchju leu di nan a bin deskubri 3 kilo di cocaiuna paketa den sakunan di plestik, mas 20 kilo di mariyuana. Tambe a bin topa ku un arma di kandrela frustra, ku segun investigashonnan di ekspertonan si dun’é un servisio e por sirbi pa tira.

E siguiente dia a bin topa ku un boto yamá La Magia ku dos Venezolano aden den bahia di Boneiru. E dos hombernan aki a konta ku nan ta piskado i tabata piskando momentu ku un tanker a pasa kue nan reda i lastra nan bai kune. Despues ku nan a korta e reda aki, a bin surgi e problema ku nan motor a daña. Nan a rechasa i ketu bai ta rechasando ku nan a bini ku ningun otro hende Boneiru. Algu ku porsierto ta delito grandi kual ta trafikashon di hende.

Ochoa tabata ya na Boneiru den forma ilegal i ku a keda deporta den pasado. E biaha aki a invita un amigu pa nan bini Boneiru (ilegal) pa bin traha den kunuku di Jason. Nan a bini ku un boto ku nan a paga nan ticket i tabata 5 hende abordo. Den otro deklarashon a asta bisa di tabata 15 hende abordo. Un tal Chebo lo mester a bin buska nan, poero debi ku e tabata den hospital na Aruba a manda su ruman.

Fiskal di Ministerio Publiko mr. Starrenburg a mustra ku e akusashonnan di droga i arma den poder i tanmbe trafikashon di hende ilegal ta keda pone komo delitonan kontra e sospechosonan. E fiskal no ta kere e storia di tanker i reda ku a pega i ta konklui ku tur kuater akusado tabata na bordo di e boto enkuestion. E ta separa e akusadonan tog for di otro, mustrando ku mientras ta tene e dos promenan kulpabel pa droga i arma di kandela, ta tene Guerrero i Rodriques ku a bin enkontra despues, akusa di a trafika hende ilegal.

Fiskal ta tene Ochoa akusa komo e kabesando di tur esaki, organisando di e trip pa Boneiru. Seguidamente e ta akusa Guerrero ku tabata e kapital i alabes hasi uso di e boto pa a trese e hendenan, droga i arma Boneiru. P’esei e ta yega na petishon di e siguiente kastigu pa e kuarteto. Pa Ochoa 5 aña di prison, pa Guerrero 3 aña i mei di prison, igual ta e kastigu pidi tambe pa Rodriques. Pa Gimenez e fiskal a pidi 3 aña. Tur deskontando nan aresto preventivo.