Lunanan eksitoso na Europa

tcb-hulandaTCB a mira bon kooperashon rondo di e diferente bolsanan di turismo den luna di yanüari. E representantenan di Boneiru, e tim di TCB na Europa, i nos relashonnan komersial: tur hende a bin huntu durante Vakantiebeurs na Utrecht, BOOT na Dusseldorf i resientemente den febrüari durante DuikVaker na Utrecht.
TCB ke gradesi tur partisipantenan pa nan kooperashon: Plaza Resort Bonaire, Delfins Beach Resort, Den Laman, Captain Don’s Habitat, VIP Diving, Courtyard Marriott i Inter-Connect (Divi Flamingo Resort & Harbour Village Resort). Negosiashonnan bon a wòrdu hasi: Boneiru a haña hopi atenshon for di trade, konsumidonan i prensa. En kual nos ta risibi apoyo inmenso dor di kooperashon di KLM (buelo diario) i TUI (awor 4 buelo pa siman). 
KLM Royal Dutch Airlines a kuminsa for di òktober 2017 ku un buelo èkstra riba djamars pa Boneiru i Aruba. Debi na su eksito e buelo aki ya a keda ekstende pa verano i wenter 2018. TUI ta bula awor 4 biaha pa siman; riba djamars, resientemente riba djarason, djabièrnè i djasabra.