Kurso di Seksualidat pa mayornan di Opstap Opnieuw

DSCN8517Un klima familiar kaluroso i mayornan ku ta sostené i mustra interes na e yu, ta ofresé e mucha un mihó base (fundeshi) pa un desaroyo seksual sano. Djamars 10 di òktober 2017 Sentro Hubentut i Famia tabatin klousura di e di dos kurso di seksualidat pa mayornan di Opstap.

E kurso a konsistí di 4 enkuentro riba djamars, di 7’or te 8:30 p.m. Durante kada enkuentro tabatin un parti informativo i un parti práktiko. Temanan ku a ser tresé dilanti tabata e.o.: Kon siña e yu konosé i kuida su kurpa, Desaroyo seksual di e mucha di 0 te 8 aña, Kon papia kuné riba e tema “Di unda un beibi ta bini?”, Kon establesé norma, balornan i límitenan serka e yu. E kurso a ser guiá dor di señora Carla Oleana, Kordinadó di e programa Opstap.

Sentro Hubentut i Famia i su programa Opstap Opnieuw ta gradisí e grupo di mayornan pa nan partisipashon na e kurso.