Konta para den bo kurá di kas

Hummingbird- K. RannouBin wak i konta para ku STINAPA riba djasabra 17 febrüari  na LVV den kuadro di e wikènt internashonal di kontamentu di para den bo kurá di kas òf na unda ku ta.

Tur aña di nobo, rònt mundu i tambe den Karibe konteo di para ta tuma lugá den kurá di kas òf kualke otro kaminda, durante di un wikènt den luna di februari. E konteo aki ta planiá pa dia 16 pa 19 di februari.  Aña pasá mas ku 200.000 hende mundialmente a partisipá den e konteo.

Loke STINAPA ta pidi nos komunidat pa hasi ta kònta i registrá tur para ku bo mira den e wikènt di 16 pa 19 di febrüari. Por ehèmpel: riba 16 di febrüari pa 15 minüt largu bo ta registrá tur para ku bo por mira den bo kura di kas, e por ta mas largu ku 15 minüt tambe. Na final bo ta pone e fecha, lugá i kuantu para bo a mira di kada sorto aserka, Su sigiuente dia por ehèmpel bo a bai keiru  kantu di awa, bo ta hasi mesun kos ku e dia anterior, pone fecha, ora i lugá i kantidat di kada para.  Dia 19 di febrüari atardi bo por meil bo lista i portrèt  pa STINAPA na nature@stinapa.org i nos lo manda e lista pa eBird.org. SI bo ke bo mes por manda bo lista aden riba eBird.org.

Diasabra 17 di febrüari di 4.30pm pa 6pm STINAPA lo bai wak i konta para na LVV, Kaminda Lagoen. Si bo ke djòin STINAPA riba e fecha aki bo mester regsitrá bo mes na 717-8444 i laga nos sa si bo mester fia un vèrekèiker. Partisipashon ta gratis pero un donashon semper ta bon bini.