Konsierto Gospel di Kor Flor di Coromoto

Kor Flor di Coromoto resientemente a kumpli 30 aña di eksistensia ta preparando pa ofresé pueblo di Boneiru un tremendo konsierto di alabansa i gradisimentu na Dios Tata ku a duna nan e talento di toka i kanta.

E konsierto aki lo tuma lugá djasabra awor, 9 di desèmber, den sala di Jong Bonaire pa 7.30 anochi. Lo tin presentashon di diferente kornan di Boneiru, entre otro Kor Kariño ku su miembro nan chikitu, kual por ilustrá kon Kor Flor di Coromoto a kuminsá 30 aña pasá bou di guia di Gregory Goedgedrag. Tambe lo tin presentashon di 2 kantante di gospel di Kòrsou.

Karchinan ta optenibel na Tung Fong Store, Gas Express, Boutique Vita i tambe serka tur miembro di Kor Flor di Coromoto. E karchinan ta na balor di USD.5.00 pa mucha bou di 12 aña i USD. 10.00 pa adulto. Si sobra karchi, lo bende na porta. Kumpra bo karchi na tempu i bin presensia un konsierto na nivel i alabes gradisí Dios huntu ku Kor Flor di Coromoto pa e 30 aña ku a pasa.