Informashon di restorantnan aktualisá

TCBPa informá nos bishitantenan tokante e restorantnan maravioso ku Boneiru tin pa ofresé, TCB na e momentunan akí ta aktualisando su webpage di komementu. Nos ta spera ku doñonan di restorantnan aktivamente lo manda nos tambe informashon òf pòtrètnan aktualisá. TCB ta ofresé un servisio di publikashon grátis riba e plataforma tourismbonaire.com. Mas di 70.000 bishitante úniko ta bishitá e página akí.
Si bo restorant no ta riba nos website i bo kier pa esaki ta e kaso, djis manda nos un e-mail ku e siguiente informashon:

  • Pòtrèt di kalidat haltu di e restorant (parti paden i pafó di e área di kome)
  • Un deskripshon di e restorant (no mas ku 1300 karakter)
  • Video di promoshon di e restorant (si ta posibel)
  • Lenknan pa medianan sosial/ website di TripAdvisor

TCB ta duna asistensia tambe na restorantnan lokal pa bin riba e página.

Si bo no tin pòtrèt HD di bo restorant, TCB por saka nan pa bo. Pa un sita pa un seshon pa saka pòtrèt djis manda un e-mail pa: DerrickWalter@tourismbonaire.com.