Harper’s Bazaar ta gana premio pa promoshon di Boneiru Webu ros pa ‘Duikersgids’

Premio TCBDurante un enkuentro bon bishitá riba e asina yamá ‘Vakdag’ di e bolsa di fakansi, Bonaire Toeristenbureau a otorgá e premionan anual. E revista luhoso Harper’s Bazaar a gana e premio di mas importante, e Premio pa Promoshon di Boneiru. Komo gradisimentu pa e presioso reportahenan den 2017 i e videonan úniko, Roos Miedema a risibí e ‘Flamingo di Oro’ korespondiente for di mannan di Mariël Reuvers i Roger Davids. E Webu di Oro, e preis di estímulo, a bai pa Duikersgids. Nan a lansa un konsepto inovativo di kua Boneiru, isla di buseo di pura sepa, ta spera hopi den 2018.

Henter aña 2017 atenshon den Harper’s Bazaar

Bonaire Toeristenbureau i e plataforma multimedial luhoso Harper’s Bazaar a lanta un kooperashon integral den 2017. E ekipo kompleto di e revista luhoso akí a bishitá e isla. Bonaire tabata e dekòr pa kolekshonnan nobo, bunita reportahenan di biahe i esei naturalmente a produsí bunita pòtrètnan. No solamente den e revista, pero tambe riba medionan sosial i e-mailnan i naturalmente riba YouTube. Henter aña Boneiru tabata ful den spòtlait.

Duikersgids ta risibí “Webo Ros”

Pa añanan kaba ta konsiderá Duikersgids komo e manual pa sambuyadónan. Meskos ku Boneiru pa añanan ta ser konsiderá komo e isla di buseo. Ku mas di 50 sitio pa sambuyá for di kosta, tiendanan di buseo bon ekipá i ‘drive thru fill stations’ real, Boneiru ta mundialmente konosé pa su ‘diving freedom’. Hustamente riba esei Errol Vos di Duikersgids ta sigui ku su inovashonnan. Un diario di aktividat útil, online pa kada sambuyadó ta fortifiká e ‘komunidat di buseo’ i e laso ku destinashonnan di buseo manera Boneiru. Den kurso di 2018 ta spera e promé resultadonan di nan app di buseo nobo. Teksto serka e pòtrèt: e orguyoso ganadónan Roos Miedema (Harper’s Bazaar, Flamingo di Oro) i Errol Vos (Duikersgids, Webo Ros) den kompania di Mariël Reuvers i Roger Davids (Bonaire Toeristenbureau, TCB).