Gobiernu nobo praktikamente kla

pasangrahanE proksimo gobiernu pa e isla doi Boneiru ta praktikamente kla. Despues k upa algun siman e miembro di Konseho Insular pa frakshon Raphaela, Jeanushka “Nunu” Raphaela a kita su sostén for di e koalishon mayoritario, por bisa ku Boneiru ta sin un gobiernu ofisial aktualmente. Mas despues tambe e miembronan di Konseho Insular ku lo bai bira e mayoria, kada di nan fakshonnan a manda un karta pa gezaghebber di Boneiru, pa no permití e Kolegio Ehekutivo ehekutá trabounan ku por tin konsekuensia pa e pueblo di Boneiru.

Mientras tantu Boneiru Awe ku ta sigui e desaroyonan pa yega na un gobiernu nobo a mantene trankilidat i zondia e moveshonnan ku tabatin ku tur e frakshonnan. Asta nos por menshoná ku te ayera anochi ainda tabatin yamada di e frakshon di MPB ku sin duda ta e frakshon ku mas tantu votonan risibí den e ultimo elekshon pero ku mesun kantidat di asiento, tabata intenta yamadanan na e lider di UPB pa yega na un rekonsiliashon. Sinembargo Boneiru Awe a kompronde ku e dos miembronan dje partido ku a bai bira independiente pa e ultimo tempu, esta Esther Bernabela i Jeanushka “Nunu” Raphaela a bin kas bek i hasi ku awor UPB ta konsisti di 3 asiento igual ku MPB. Solamente e kiebro den PDB ta laga e partido mas bieu di Boneiru parti den dos, un banda ku Robby Beukenboom i Marugia Janga i di otro banda Clark Abraham ku sin aktualmente den funshon komo parlamentario Michael Pieters.

Ta hustamente un koalishon di UPB (3 asiento) i e miembronan di PDB Robby Beukenboom i Marugia Janga ta yegando na otro pa un koalishon nbobo. Nos a asta kompronde ku e repartishon di diputadonan ta unu pa e duo di Robby Beukenboom i Marugia Janga, mientras ku UPB lo bai haña dos diputado den e gobiernu nobo. Durante dje reunion di Prosidio por a kompronde ku gezaghebber Rijna a pidi e partidonan/frakshonnan pa ora yega na un gobiernu nobo, por fabor nombra diputadonan ku eksperensia i konosementu di e karteranan, ya asina ta spera di haña un gobiernu ku poor funshoná mas profeshonalmente.

Nos a kompronde ku den seno di UPB tabatin diferente reunionnan individual, ku e miembronan riba e lista ku por bini na remarke pa asumi posishon ora ku yega asina leu ku por bai tin moveshonnan den e partido. Di parti e posishon di sra. Raphaela p[or a kompronde ku durante e yobida dfi awe mainta, el a presenta na Griffir ku su karta di entrega su frakshon i forma su mes atrobe ku UPB for di unda el a sali. Boneiru Awe asta ta den poder di supuesto nombernan ku a keda menshoná pa asumi e posishon di diputado, pero pa etika nos no ta bai spekula ku esakinan awor. Sigui lesa bo Boneiru Awe i keda bon informa di notisia di Boneiru.