Fakturanan mester ta akompañá ku “bestèl bòn”

Eskudo BonaireGobièrnu di boneiru pa medio di su ofisina di finansa ta boga pa un sistema atministrashon mas efisiente i efektivo pa asina drecha e servisio na suminstradónan di servisio di entidat públiko di boneiru. Den kuadro di esaki  entrante promé di yanüari 2018 tur suministradó di servisio mester entrega nan faktura akompañá ku un bestel bon di entidat públiko boneiru. 

E “bestel bon” ta e prueba ku e kompania su oferta entregá a ser aprobá i ku entidat públiko ta kompremeté su mes pa paga pa e servisio.

Na momentu ku  manda e faktura mester inkluí e prueba di petishon pa e proyekto òf servisio. Sin e prueba aki no por kumpli ku e pago di e faktura. E departamentu ku hasi e petishon pa  servisio di un kompania ta esun enkargá pa duna e suministradó e bestèl bòn aki.suministradónan mester manda tur faktura pa departamentu di finansa di entidat públiko di boneiru ku ta enkargá ku pago di e faktura. E departamentu ta situá na j.a. Abraham boulevard 27. Tambe por manda e faktura ku un scan di e “bestèl bòn” via di email na afdfin@bonairegov.com.

Pa mas informashon por email afdfin@bonairegov.com òf yama na telefon 7175330 ekstenshon 2607.