Entrega di 2 bus pa akohida di mucha

1 (8) Den kuadro di dia internashonal di hubentut, riba 12 di ougùstùs, diputado Nina den Heyer huntu ku sra. Ruthmila st. Jago konsehero di maneho di bienestar na direktorado di Komunidat i Kuido djaweps 10 di ougùstùs a tuma yabi di 2 bus serka sr. Irving Abdul empleado di Akkermans Auto Supplies. Ta un total di tres bus ku a ser bestèl i dentro di 2 luna lo risibí e di 3 bus.

E bus nan aki a wòrdu finansiá for di e fondo di “Plan van aanpak di kinderrechten Bonaire”(BZK) i lo ser usa pa akohida di mucha despues di skol. Den praktiká a resultá ku hopi mucha/hóben no por partisipá na aktividat  despues di ora di skol, dor ku nan no tin transporte òf transporte ta muchu karu pa por yega na e aktividat nan.

2aDen maneho di diputado den Heyer lo bai implementá e asina yama “kindpakket” ku lo ta un pas pa tur mucha i en espesial mucha/hóben nan di ménos rekurso por partisipá na aktividat nan despues di ora di skol. Por ehèmpel aktividat nan riba tereno di arte, kultura, baile, kanto, músika, deporte, pero tambe pa haña provishon nan manera artíkulo nan di skol etc. etc.

Kada un di e 2 bus nan aki, lo por akapará 11 mucha/hóben i e di 3 bus, lo por akapará 29 mucha/hóben, pa  por benefisiá e mucha/hóben nan ku no tin òf por paga transporte i ku tin ku hasi uso di e bus nan aki pa partisipá na un aktividat òf akohida despues di ora di skol.

Promé ku entrega di e último bus aki den novèmber riba dia Internashonal di derechonan di mucha, lo bai tene un konkurso di pintamentu di pintura nan di Sr Wilfred Dania, den kual mucha nan por partisipá den esaki pa por graba e pintura nan aki riba e bus.
3 (9)