Dispensashon general di e prohibishon pa tira vürwèrk

vuurwerk_clip_image015Gezaghèber di Entidat Públiko Boneiru ta partisipá ku relashoná ku kambio di aña for di 31 di desèmber 2017 te ku 1 di yanüari 2018 e ta konsedé dispensashon general di e prohibishon pa tira vürwèrk manera stipulá den artíkulo 31 insiso b di e Ordenansa General di Polis (Algemene Politie Keur) di Boneiru. Pa tira vürwèrk pafó di e periodo menshoná aki riba i pa tira vürwèrk ‘grandi’ manera pagara, tin mester di permit.

No ta pèrmití pa tira vürwèrk dentro di un rayo di 250 meter for di hòspital i institutonan di kuido i edifisionan kaminda ta tene sirbishi religioso. No ta pèrmití tampoko pa tira vürwèrk dentro di un rayo di 250 meter for di pòmpnan di gasolin i sitionan kaminda ta almasená produktonan inflamabel i eksplosivo. No ta pèrmití pa tira vürwèrk ku ta bai haltu na un sitio kaminda esei por trese peliger pa tráfiko aereo.

vuurwerkNo opstante e dispensashon general aki tur hende ta keda responsabel pa eventual leshon i daño ku nan hasi na otro persona, bestia òf bienes. Pa evitá daño i desgrasia gezaghèber ta hasi un yamada riba tur hende pa anda ku e prekoushon nesesario na momentu di tira vürwerk, manera por ehèmpel para na un bon distansia ora di tira vürwèrk i tira vürwèrk solamente na e manera ku e instrukshonnan ta indiká i nunka no tira vürwerk riba otro hende òf riba bestia.