Dentro di poko por kuminsá paga impuesto di vehíkulo di motor pa aña 2018

Eskudo noboTur persona òf entidat ku tin un òf mas vehíkulo di motor riba 1 di yanüari 2018 registrá  riba su nòmber lo bai risibí durante e próksimo simannan un ‘aanslag’ (papel di belasting) pa e impuesto di vehíkulo di motor pa aña 2018. Konforme artíkulo 9 di e ordenansa ‘Motorrijtuigenbelastingverordening Bonaire 2011’ tin e posibilidat pa paga e impuesto aki den dos tèrmino igual di pago.

E promé mitar di e ‘aanslag’ aki mester wòrdu kanselá pa mas tardá dentro di dos siman despues di e fecha kual e ‘aanslag’ ta fechá ku ta 31 di yanüari 2018. Pues e promé parti mester wòrdu kanselá promé ku 15 di febrüari 2018. E di dos mitar mester wòrdu kanselá pa mas tardá riba 30 di yüni 2018. Ora di hasi e pago mester menshoná e number di referensia menshoná riba e ‘aanslag’ na ‘aanslagnummer’ i tambe na ‘betaalkenmerk’. Nos ta supliká pa tene kuenta ku esaki ora di hasi pago pa e pago por wòrdu bon prosesá.

Por hasi e pago di impuesto via ‘online banking’ òf na lokèt na bankonan. Awor ofisina di impuesto ta brinda e posibilidat pa hasi pago di impuesto sin gastu adishonal na Girobank. E komprobante di pago ta sirbi komo prueba ku a paga e impuesto. Nos ta konsehá pa tene esaki semper huntu ku e vehíkulo. Entidat Públiko Bonaire kier a enfatisá segun leinan vigente ku kada doño di un vehíkulo di motor tin e responsabilidat di sigurá e vehíkulo aki

Tin un preis stipulá pa kada tipo di vehíkulo di motor. E tarifanan ta lo siguiente:
Nrf outo