Curoil mester bini ku Plan B pa Boneiru

Curoil BonaireDen 2017 no ta aseptabel mas ku no opstante e monopolio ku Curoil tin riba Boneiru, ora nan trin problema ku Boneiru ta keda paralisá. Esaki simplemente den un país/isla k uta den desaroyo no ta permitibel. Ultimo dianan pa falta di un problema di Curoil, e stashon a keda será pa lekmentu ku a keda konstata i no por a hasi entrega dio gasolin mas na stashonnan di venta. Esaki a hasi ku ora esaki a bira konosí a surgi un koas i pa awe ya ningun stashon di venta, salvo Rincon, no tabatin gasolin mas.

Ta spera ku despues ku e lekmentu a keda regla pa funshonarionan di Curoil ku a bini Boneiru, ku e funshonarionan ku tin seguridat di e isla aki bou di nan responsabilidat a kontrola esaki i a manda e raport Hulanda pa aprobashon, enespera di e ordu regresa pa asina truknan por keda abastese ku kombustibel i asina kuminsa entrega tambe na stashonnan di benta. Ta spera ku pa mañan esaki lo kuminsa.

Nos ta kere ku Curoil mester buska tur forma pa tin tantu ‘back-up’ komo plan B den su operashon aki na Boneiru. Esaki debi ta Curoil tin e monopio di benta di kombustibel deriva di petrolio aki riba nos isla. No por ta asina, ku ora algu bai robes ku e kompania, ku Boneiru ta bira lam. Mester por tin un sistema ku den kaso di emergensia of di kalamidat, por kontinua ku suministro di tantu kombustibel, gas pa kushina, etc. I nos ta spera ku gerente di Curoil i gobiernu di Boneiru kuminsa papia i mira pa realisa un plan B pa ku e nesesidatnan di un isla.