Coast Guard Cutter Confidence su promé bishita na Boneiru

1 (11) Djabièrnè último gezaghèber sr. Edison Rijna a risibí bishita ofisial di komandante Tim Hammond di wardakosta merikano. Durante e bishita  kòmbersashonnan ameno a tuma lugá tokante presensia di e Cutter den nos haf.

Komandante Tim Hammond den presensia di teniente Dan Halsig i segundo teniente Sierra Webb di asuntunan públiko a entregá gezaghèber Rijna un plakat ku potrèt di e Cutter.

Mas den transkurso di dia gezaghèber Rijna den kompania di sra. Joan Brewster di direktorado di Supervishon i Mantenshon di Lei i hefe interino di kuerpo polisial sr. Marchand a realisá un bishita na bordo di USCG Confidence kaminda komandante Hammond a duna un amplio splikashon di e Cutter.

Finalmente gezaghèber Edison Rijna a entregá komandante Tim Hammond un rekuerdo den forma di un álbùm ku paisahenan di nos isla Boneiru i a pen e komandante ku eskudo di nos isla komo muestra di apresio i amistat di Boneiru.
3 (12)4 (5)