Boneiru a gana su promé kompromiso na Montserrat

Selekshon Futbol Bonaire - kamiseta helAyera djadumingu promé di yüni, e selekshon di futbòl boneriano, a efektuá su tin promé partido loke ta pre- klasifikashon pa Carribean Cup 2014, aya Montserrat,  esaki ku e wega kontra e selekshon di US Virgin Island. Nos selekshon a ranka sali riba bon pia, ganando e wega ku e skor 2 – 1, loke a nifiká tambe eliminashon di US Virgin Island for di e klasifikashon, despues ku e selekshon a su pèrdè promé wega kontra e selekshon di kas o sea Montserrat, ku e skor 1 – 0.

Boneiru su di dos i último kompromiso den e buèlta aki di  pre- klasifikashon pa Carribean Cup 2014, ta mañan djamars 3 di yüni kontra e selekshon anfitrion Montserrat. Un viktoria mañan pa selekshon di Boneiru, ta pone ku nos lo djòin Martinique, Barbados i Sürnam den Grupo 3, pa hunga e promé buèlta di Carribean Cup 2014, ku ta tuma lugá na Martinique di 2 pa 8 di sèptèmber binidero.

Éksito na nos selekshon di Boneiru.