Bishita di orientashon di diputado Cecilia na direktorado komunidat i kuido

DSC_0129 Djaluna 2 di òktober den ora nan di tra’i mèrdia, diputado sr. Edsel Cecilia i personal i konseheronan di su ofisina, a hasi un bishita di kortesia na Direktorado Komunidat i Kuido. Direktorado Komunidat i Kuido ta un di e karteranan di diputado Cecilia. E bishita aki tabata un bishita di orientashon pa tin un bista kon ta e forma ku e direktorado ta funshoná i kua ta tur e proyektonan ku ta den ehekushon. Tabata e direktora sra. Silvana Serfilia ku a duna splikashon i e guia na diferente departamento nan ku ta kai bou di e direktorado menshoná.

Diputado Cecilia a duna di konosé ku su persona i su ofisina semper lo traha konhuntamente ku e direktorado i su departamentu nan. Tambe diputado Cecilia a duna di konosé ku e lo apresiá i balorá e funshonario nan públiko ku ta e vehíkulo pa fasilitá i duna servisio na e komunidat Boneriano. Manera ta konosí, tin departamentonan di e direktorado ku ta keda den otro edifisionan tambe.

Den e kaso aki a bishitá tambe Registro Sivil i SKAL. E tipo di bishitanan aki di orientashon den mayoria kaso ta pa por tin un bista kiko tin ta andando i pa haña un bista pa sa kon pa inkorporá esakinan den programa di gobernashon di e aktual gobièrnu.
DSC_0135DSC_0137