Abogadonan a mustra korte riba diferente puntonan dudoso

HustisiaNo ta un sekreto publiko ku hopi biaha tin kasonan ta kue bueltanan basta straño, debí na konklushonnan ku ta saka di sea sospechosonan of lokenan ku a pasa supuestamente, sin tabatin un bon investigashon a fondo den esakinan. Di otro banda den spesialmente e kaso di e kuater Venezolanonan, tin sierto puntonan di atenshon ku ta laga sierto pensamentunan den duda.

E abogadonan, mr. Marga van Lieshoudt, mr. Saran Inderson i mr. Antony Nicolaas a sa di trese diferente di e puntonan aki dilanti i tambe ta konkluyendo ku investigashonnan ta yega muchu lihe na konkluí supuesto lokenan por a pasa enbes di investiga i yega na kosnan real ku a pasa. Entre otro nan a mustra riba un potret unda e sospechoso Ochoa ta para brasa ku su yu muhé, ku ta konkluí ku ta trata di un amiga of persona ku e tin relashon kune.

Mas aleu nan ta mustra riba e forma ku Ministerio Publiko ta konkluí ku ta Ochoa i Gimenez mester a pone e droga i arma na bordo na Venezuela sin por sustansia esaki ku nada. Ta risibi e bultu(nan) di droga na un otro sitio for di unda a haña e dos hombernan den awa i ta konkluí ku e droganan i arma ta di nan. Tin un supuesto di 5 persona ku nunka mas a logra determina si ta berdat i ku ta su propiedatnan e droganan i arma di kandela tabata. E dos hombernan ku a haña despues. No por prueba ku nan boto tabata na e sitio, pasobra no ta nan e Wardakosta por a mira, sino a kira ku nan a bin den bahia di Kralendijk tambe. Tog Ministerio Publiko ta akusa e dos piskadonan di ta meti den droga ku nan a haña leu for di unda nan a keda detene. Numbernan di telefon ku a keda registra for di un telefon ku a keda konfiska, ta numbernan ku nan no konose. Pa kolmo e telefon a yega di wordu usa pa mas hende.

I asina e abogadonan a keda mustra korte nan dudanan. Asta di fayonan ku tabatin den nomber di sospechosonan den e kaso aki. P’esei tur a pidi korte liberdat pa nan klientenan di e akusashonnan inkorekto pone riba nan. I pa Ochoa ku segun Ministerio Publiko tabata e kabesante, su abogado mr. Inderson a bisa di ku hues ke tog duna kastigu despues di evalua nan puntonan, tene kuenta ku e kastigu pidi ta drastikamente haltu for di un kastigu pa muchu mas kantidat di droga i ku a haña muchu mas menos ku esei. Algu ku ta registra ku a tuma luga na Korsou resientemente. E ta konvensi si, ku su kliente no tabatin droga ni arma den su poder, pero a bini Boneiru debi na e sirkumstansia na Venezuela, pero pa bin traha, loke e tabata hasi kaba antes.

E kaso ta kontinua mayan djabierne i hues lo tin basta rompe kabesa pa realmente purba establese e akusashonnan legal i konvensido pa por akusa i sentensia e akusadonan. Nos lo kontinua ku esaki mayan.